Rögnvaldur Gáfaði , 60 ára og enn að reyna að vera fyndinn.

Vegna fjölda áskoranna hefur Röngnvaldur samþykkt að taka eitt kvöld enn á þessari frábæru uppistandssýningu,  þar sem hann ætlar að fagna þeim áfanga að vera orðin 60 ára gamall.
Þar mun hann segja gamansögur og brandara sem hann hefur heyrt á lífsleiðinni og man enn, flestar sögurnar og brandararnir eru þessvegna frá því í fyrra.
Þetta verður ekki svona dæmigert uppistand með frumsömdu efni heldur ægir þarna öllu saman , sannar sögur, samdar sögur og brandarar sem hafa höfðað til Rögga í gegnum tíðina.
Þarna verður spilað eftir gömlu leikreglunum, ALLT látið flakka , og því er ráðlegast fyrir viðkvæm blóm að halda sig heima.
Röggi gerði töluvert af þessu á árum áður en dró sig í hlé fyrir 10 árum ,og var hvíldinni feginn. Þetta verður því aðeins þetta eina kvöld , enda ekki reiknað með mikilli eftirspurn og engin áform um frekari landvinninga á þessu sviði.
Því eins og hann hefur sjálfur marg oft sagt, gamlir karlar eiga ekki að reyna að vera fyndnir. En reglur eru jú til þess að brjóta þær.