Rokksveitin Spacestation snýr aftur á norðurslóðir í júní og slær til stórtónleika á Græna Hattinum! Það var bilað stuð þegar sveitin kom í fyrra og ætlar hún að endurtaka leikinn núna í sumar og vonast til að sjá sem flesta. Fyllum húsið kæru Akureyringar! Hljómsveitin Spacestation var stofnuð árið 2021 og hefur verið að gera mjög góða hluti fyrir Íslenska rokktónlist og senu. Lög eins og “Í Draumalandinu” og “Loftið“ hafa notið mikilla vinsælda hjá landsmönnum á öllum aldri og er sveitin einnig þekkt fyrir kraftmikla lifandi flutninga og mikla stemningu á tónleikum sínum. Tónleikar með Spacestation er eitthvað sem enginn tónlistarunnandi ætti að láta framhjá sér fara.