DIMMA snýr nú aftur, tvíefld með nýja liðskipan og nýtt lag sem heitir Skarkali!

Lagið er það fyrsta sem heyrist frá DIMMU í heil 5 ár og gefur hugmynd um hverju fólk má eiga von á frá sveitinni á sjöundu breiðskífu hennar, sem nú er í vinnslu og væntanleg á næsta ári.

DIMMA hefur starfað í ýmsum myndum frá árinu 2003 og lengi verið ein vinsælasta rokksveit landsins enda þekkt fyrir vandaðar lagasmíðar, öflugan flutning og kraftmikla framkomu á tónleikum. 

DIMMA hefur haldið fjölmarga eftirminnilega tónleika á Græna Hattinum í gegnum árin en þessir verða sögulegir, enda þeir fyrstu með nýrri liðskipan. 

DIMMU skipa nú Akureyringurinn Ivan Mendez söngvari, Skúli Gíslason trommuleikari, Silli Geirdal bassaleikari og Ingó Geirdal gítarleikari.

Þetta er rokkviðburður sem þú vilt ekki missa af!