Ari Baldursson mætir með Hermenn hugans á Græna Hattinn 4. júní.

Frumsamin tónlist með kántríívafi.
Ari Baldursson hefur verið iðinn við að gefa út efni síðustu ár – og nú er kominn tími til að spila þau live.

Ari hefur verið í tónlist frá unglingsárum. Hann var í ballbransanum á Akureyri og víðar á níunda áratugnum – m.a. með París og Helenu fögru. Á tíunda áratugnum lá leiðin til Danmerkur þar sem hann var í hljómsveit sem lék eingöngu kántrý tónlist. Um og upp úr aldamótum var hann hluti af dúettinum Jóni forseta, sem starfaði út frá Hafnarfirði. Í dag er hann aftur búsettur á Akureyri – hringnum lokað.

Góð lög. Þétt band. Ekkert vesen.